in het Aasters
De Hoek yn feweeg
Ho un bisonder Schyljelôner natuurgebied wer yn’e geande komt.
%20(1).jpg)
Europees natuurreservaat
De Hoek op Schyljelôn is ien fon de greste Nederlônse natuurgebieden wer oltyd feweeg yn sit in hat de ear Europees natuurreservaat te wêzen. De wiide útgestrekthyd is net ollinnig moai om te sjean, mar is ik belangryk for trekfoegels in for aaien te lezen.
De Stoe'dyk
East wae de Hoek un lôse sônplaat di yn de sontiende eauw oan Schyljelôn fêstgroeide. Trog de oanlees fon de stoe’dyk yn’e dattiger jieren wodde et fidder stoeën tsjinhouwen, wètrog de natuur ’m ontwikkelje koeë. So komen d’r mear plonten in beesten, mar fonoof de tachtiger jieren wodde de fescheidenhyd minder omdot d’r gin feweeg mear yn et gebied siet. Ges in reid nomen de kwelders oer, wètrog bisondere plonten in beesten fedwynden.
De natuur wer yn de geande
Der komt ik bi dot de Hoek gefoelig is for et heager kommen fon’e see omdot er gin ni sôn mear bikomt. As d’r niks oan dien wodt, stroepe de kwelders olmar faker onder in fedwine de foegels di d’r aaien leze in de plonten. Om dut tsjin te gean worre d’r maatregelen nomd sodot de natuur wer yn de geande komt, so as et maitsjen fon gloppen yn de stoe’dyk wètrog sôn in wetter wer fri spil ha. Ik worre op sommige plakken beesten lôslitten om de begroeiïng kot te hôden in sol der sien worre of er bi et Ammelôner Got mear sôn bi komme mot.
De plonnen binne makket mei de eilôners in worre útfoerd trog fescheine organisaasjes, so as de Profinsje in de Staat. Ik as er werket wodt, kon de Hoek nog oltyd besôcht worre sodot de minsken fon de natuur genite bloeë konne. In as olles klear is? Don litte wi de natuur et self wer fidder dwaan. Don mei de Hoek wer un gebied worre wer feweeg yn sit, so as dot ik oltyd wên hat.
